Prawnstar Review

Assalamualaikum~~ kembali kali ani untuk megomen salah satu lures atau umpan palsu nya tani lah tu, iaitu Prawnstar. Sebagai salah seorang kaki pancing yang kurang labih aktif dlm arena ini, telah maklum bagi ku dan juga kaki2 pancing yang lainnya, umpan seperti ani amat dikenali di Negara Brunei Darussalam. Dan seperti biasa, aku pun jua turut ngorder dari salah seorang distributor yang 1st di Brunei memperkenalkan Prawnstar. Setelah diperkenalkan Prawnstar dan meliat videonya dan teknik pemakaian Prawnstar, jadi, terjatuh lah hati ku kepada Prawnstar dan tarus ku ngorder dari abis drg ani. Sesampai Prawnstar di tangan ku, apatah gi kan ditunggu2, aku pun tarus mencuba di salah satu tempat yang amat dikenali ramai, lubuk Selunsung, ungah dan lauk putih, atupun ikut stock lau ada.

Sampai ku di tempat yang dihajati, tarus tia ku mlabuh Prawnstar, dan hacut punya hacut selama 6 jam, inda jua pandai naik, sampai blatupan bahu sama siku ku ani. Ternyata, sehari2 atu dan semlm2man ku atu inda jua kana lirik Prawnstar ku atu. Ngampai ku bagas ngacut Prawnstar, baru tah ku kan bekarih masang pancing ku sebuting untuk di pakai umpan basong2 dengan menggunakan teknik mengampai di dasar. Walaupun inda belurih sekong pun lauk menggunakan Prawnstar, aku tetap inda mulih dengan tangan kusung. Of coz lah aku makai umpan palsu yang lain, skurang2nya inda kecewa mcm putus kinta hahaha. Setelah memiliki umpan Prawnstar sejak 4 bulan yang lalu, sampai ani alum tah ku pernah belurih, yang sadisnya, bukan ganya sekali dua ku mencuba, tapi mencuba sampai belurih lah, tapi ternyata keputusan tatap sama sampai ani. Ku pakai flicking kah, walking the dog kah, jigging kah, inda jua belurih. Tukar tampat kesana kemari pun inda jua belurih. Tukar saiz dan warna pun masih jua nda belurih. Kalau nya urg tua2, mentalih tah sudah diri ani, baik tah mandi bunga xD. Angan2 ku atu banyak plg sudah, salah satunya, kan menyalam keaying nyumbati Prawnstar ke mulut lauk Selunsung. Tapi angan2 plg ganya tu hahaha.

Conclusionnya, walaupun inda belurih, from my view, it is one of the unique lures I've ever seen. And as below, the grades are given.
Design : 9 (aku pun tetipu, dikit gi ku buatkan sapak XD)
Quality : 10 (Gatahnya kuat dan mata kailnya pun tajam dan tahan)
Features : 9 (Dua mata kail, satu di badan satu di ikong)
Useability : 3 (Pslnya cara pemakaian mesti mcm udang idup. Mun inda sama, nda tah lauk makan)
Application : 10 (99% payah kan menyangkut, dpt dipakai kawasan yang bekayu atau bedahan)
Tot. score : 8.2
Dsitributor : Prawnstar in Brunei go to kb-iansanglers.blogspot.com. Have fun and goodluck.