Soft-bait Review

Assalamu'alaikum, kembali sekali lagi kali ani untok membagi pendapat sekian "lures" yang biasa kitani lihat dalam setiap "tackles" box sikaki pancing. Kali ani~~ peramba/kaola/saya ingin membagi pendapat tentang "soft-bait", dimana soft-bait seperti ini sudah banyak diperolehi dimana-mana kedai pancing yang ada di Brunei dlm lingkungan harga BND3-7. Seperti sedia kala, umpan palsu seperti ani, kalau sudah diliat dari kutaknya pun sudah lain macam lah... mun masuk ke aying apa tah gi... layah-layah tu mliat arghahahahah... Kelebihan umpan ani dapat sudah tani liat dari pelbagai sudut, dan paling ketara sekali ialah dari sudut ikongnya. Rekabentuk ikongnya atu ada kelainan dari umpan palsu yang lain, dimana ikongnya atu hanya dpt beraksi ketika umpan ani ditarik dlm aying, dari sana tah ikongnya bgarak. Walaupun secara logik luaran, nda nampak macam lauk biasa tapi sudahnya tkial-kial dalam aying, baru tah nampak ikongnya bgarak mcm lauk idup selayaknya. Menarik umpan palsu ani di aying, laju plahan pun, ikong atu breaksi selayak tarikkan tani atu jua. Sebagai contoh, kalau ditarik umpan palsu ani plahan maka plahan tah jua ikongnya tlinggang-linggang... ala-ala mcm lauk kan jum mnuju ke rahmatullah. Dan sekiranya laju tarikkan ke umpan atu, maka laju lah linggang ikongnya. Jadi poin utama disini tani liat adalah ikongnya atu mbagi peranan penting dalam mempamerkan semirip-kehidupan lauk hidup. Sebatah ku makai umpan soft-bait nda lah menghampakan, yang tantu nda sekali-kali nda ku blurih dalam sehari atu. Kalau kan diikutkan pengalamana dan dibanding-bandingkan sama umpan spinner bait, tantu ani manang pslnya ani kunpum blurih dlm sehari atu, walaupun, kalau spinnerbait blurih, skalinya blurih atu nda calang-calang banyaknya. Tapi yang penting, dalam sehari mesti ada blurih.

Jadi seperti biasanya saya membagi grade;
Design : 10 (banyak kelainnan setiap umpan yang ada di kadai, jadi dpt tani milih-milih sekehendak hati tani yang mana bisai usulnya)
Quality : 7 (Yang ani~~ kebanyakkan gatahnya nda tahan kana pumpung uleh lauk n then biasasnya lauk ani pacah~~ dlm maksud lain nda bmata kalaunya dpapak lauk atau tersangkut dsb, tapi alhamdulilah mata kailnya pun bagus. Bengkuk-bengkuk pun kalau bagas dirangus uleh lauk atau bagas nyangkut dapat diusai)
Features : 9 (Selain mata kail utama ada, mata kail damit pun siap siaga incase kalau mata kail utama terlapas, tapi untuk ngurangkan ia tersangkut saja, cabutlah mata kail yang damit itu... xD)
Useability : 9 (Mau atas pun blh mau di bawah pun blh.. ditangah-tangah pun blh, janji dpt imijin di tahap mana ia kan benanang)
Application : 7 (biasanya nyangkut ani kalau mata kail damit nda dicabut, dan kalau pun dicabut~~ kalaunya tesalit arah calah-calah batu atau kayu, pun nda mudah lapas. Sabab atu mata kail utamanya nda setagap yang biasa)
Tot. score : 8.4
Distributor : You can email me for queries.  Soon, I'll have separate links for price and package.